The End of the Story (3 April 2024) Makumu ya Xitori
Anakanya u siyiwile etikweni rimbe endzhaku ka loko nuna wa wena ni vana va wena vambirhi va majaha va lovile. Hi kona laha Nahumi a tikumeke kona ebukwini ya Rhuti. U te, “Lowa Matimba Hinkwawo u ndzi xanisile.” Nahumi u swi vonile leswaku ku xaniseka hi ndlela yo karhi ku fambisana na Xikwembu, kambe a nga swi koti ku vona xifaniso lexikulu ku fana na hina. Loko hi ri karhi hi hlaya xitori xa Nahumi, hi vona leswaku xiyimo xa yena xi hetelele xi n’wi katekise swinene ni ku va ni mihandzu. Eku heteleleni, Muponisi u hume eka rixaka ra ndyangu wa yena. Khombo ra kona, ku fana na Naomi, a hi swi koti ku vona makumu ya xitori loko hi hanya exikarhi ka xona. Swi nga ha endleka u hanya eku xanisekeni sweswi entirhweni kumbe ni mutswari kumbe ni n’wana wa jaha kumbe wa nhwanyana. Xana unga tsundzuka leswaku Xikwembu xi na wena eku xanisekeni ka wena? Xikwembu xi hi pfumelela ku hundza emaxangwini leswaku hi ta katekisiwa swinene ni ku tswala mihandzu—ku fana na Nahumi. Xikwembu xi tiva makumu ya xitori xa hina. A HI LAVENI XIKWEMBU.