Singing While Dry (15 January 2024) Ku Yimbelela Loko U Omile
Manana uri eka tin’hweti leti hundzeke, ndzi titwe ndzi omile. A ndzi titwi ku khongela kumbe ku yingisela vanhu va vulavula hi Xikwembu kumbe nchumu wun’wana ni wun’wana. Hakunene aswi twakala swi fana ni ntshikilelo wa mianakanyo. Loko ndzi hlangana na munhu loyi a titwaka a omile hi tlhelo ra ximoya, ndzi tala ku vutisa ndzi ku, “Xana u tshame u yimbelelela Hosi?” Ku dzunisa ku nga va murhi wa moya lowu omeke. Hosi Davhida u hi nyika xikombiso eka Pisalema 63, laha a nge, “Moya wa mina wu na torha ra Wena; nyama ya mina yi ku navela etikweni leri omeke ni leri karhaleke laha ku nga riki na mati” (v. 1). Kutani u ya emahlweni a vula ndlela leyi a langutaneke na matitwele ya yena ya ka ku oma ka moya. U ri, “Ndzi ta ku dzunisa loko ndza ha hanya, naswona hi vito ra wena ndzi ta tlakusa mavoko ya mina . . . hi nomu wa mina ndzi ta ku dzunisa” (v. 4–5). Loko kuri a wu swi tolovelanga leswi, swi nga ha twala swi ri swa rihuhu. Kambe loko u titwa u omile naswona u pfumala, ha yini u nga ringeti ku yimbelela—hi rito leri tlakukeke—eka Xikwembu? A HI LAVENI XIKWEMBU.