Recording a Response (2 April 2024) Ku Rhekhoda Nhlamulo.
Loko u voniwa nandzu wo karhi loko u ri karhi u hlaya Bibele, xana wa swi tsundzuka ku swi landzelerisa? Wansati: Eku sunguleni andzi tshamiseki, ivi, entiyisweni, endzhaku ka masiku ma nga ri mangani ndzi rivala hi swona. Nancy: Xin’wana lexi ndzi xi kumeke xi pfuna i ku hlayisa journal ni ku tsala swilo leswi Xikwembu xi ndzi kombaka swona hi Rito ra xona. Ku rhekhoda tinhlamulo ta hina swi nga hi pfuna ku hundza eku tweni ka Rito ntsena, hi ya va vaendli. Eka Nehemiya 9 hi hlaya hi ku tihlambhunula ko leha ka vanhu va Israele. A va hlengeletanile leswaku va ta twa nawu wu hlayiwa, naswona va lemuke leswaku a va fanele hi ku cinca ko karhi. Xikhongelo xa vona xi gimeta hi ku, “Hi ku languta eka leswi hinkwaswo hi endla ntwanano wa xiboho.” Va swi tsale ehansi. A va lava ku tsundzuka ni ku tihlamulela hikwalaho ka ku cinca loku a va fanele va ku endla. Nkarhi lowu taka loko u tshama ehansi u hlaya Bibele, ha yini u nga khomi buku yo tsalela eka yona ni xitsalu ivi u tsala leswi Xikwembu xi ku byelaka swona hi Rito ra xona? Swi ta endla leswaku swi olova ku landzelela leswi u swi hlayaka. A HI LAVENI XIKWEMBU.