Loved to the End – Ku Rhandziwa ku fikela emakumu (4 Dec 2023)
Loko mutlhokovetseri lonkulu wa le Rhaxiya, Pushkin, a hetelele a tekile hi 1831, u vule leswaku a ku ri ra vu-113 a ri karhi a rhandzana. Eka mina swi tikomba leswaku muendli yoloye wa marito a a nga yi tivi kahle nhlamuselo ya rito leri nge “rirhandzu.” Xikwembu i rirhandzu, naswona xi hi nyikile nhlamuselo ya ntiyiso ebukwini ya xona. Testamente Leyintshwa yi tirhisa rito “agape” ku hlamusela muxaka wa rirhandzu leri Xikwembu xi nga na rona eka hina na rirhandzu leri hi faneleke ku kombana rona. Yesu u kombisile muxaka wolowo wa rirhandzu loko a titsongahata, a teka xiphemu xa nandza, a hlantswa milenge ya vanhu lava a va tumbuluxeke. Muapostola Yohane u hi byela xitori a ku, “…hikuva u rhandze va yena lava a va ri emisaveni, u va rhandze ku fikela emakumu.” Xana mianakanyo ya wena ya rirhandzu yi fana ngopfu ni matitwelo ya mutlhokovetseri Pushkin? Kumbe xana swi fana ngopfu ni swiendlo swa gandzelo ra Yesu? A HI LAVENI XIKWEMBU.