Do Angels Grieve – Xana Tintsumi Ta Rila? (1 December 2023)
Yesu u te, “Ku va na ntsako emahlweni ka tintsumi ta Xikwembu hikwalaho ka mudyohi un’we loyi a hundzukeke.” Ndzi tsandzeka ku tikhoma kambe ku vutisa leswaku: Loko tintsumi ti tsaka loko hi hundzuka, xana ti va ni gome loko hi nonon’hwisa timbilu ta hina hi ku endla leswi hambukeke ke? Loko hi ala ku endla ku rhandza ka Xikwembu ni mfanelo ya xona yo fuma evuton’wini bya hina, hakunene a hi nyiki tintsumi xivangelo xo tlangela. Ndzi fanele ndzi ti vutisa leswaku, Xana vutomi bya mina byi tisa ntsako etilweni? Ku fana ni tintsumi, xana ndzi kuma ntsako hi ku endla ku rhandza ka Xikwembu? Xana ndza tlangela loko ndzi vona vadyohi, ku katsa na mina, hi hundzuka hi fularhela xidyoho? Tinyike nkarhi wo karhi u kambisisa mbilu ya wena. Ku fana ni tintsumi ta le tilweni, xana u susumetiwa hi ku vangama ka Xikwembu? Kombela Xikwembu ku ku nyika mbilu leyi tsakaka loko ku rhandza ka xona ku endliwa evuton’wini bya wena na le vuton’wini bya van’wana. A HI LAVENI XIKWEMBU.