Full of Hot Air (19 January 2024) Ku tala hi Moya wo Hisa
Xana u tshame utwa vaku munhu u “tele hi moya wo hisa” ? Xexo i xifaniso lexinene ngopfu xa rito leri Pawulo a ri tirhiseke eka 1 Vakorinto. U ri, “Rirhandzu a ri tikukumuxi” (13:4). Vuhundzuluxi byin’wana byi ri, “Rirhandzu a ri ti kurisi.” Loko hi rhandza, a hi na langutelo leri tlakukeke hi hina vinyi. Ndzi ehleketa hi xipekupeku lexi tirhisiwaka ku pfurhetela ndzilo endhawini yo hisela ndzilo. U susumeta swipekupeku sweswo, kutani moya wu huma wu endla leswaku ndzilo wu va wukulu. Hi swona leswi ku tikukumuxa ku nga xiswona. Hi nga sungula ku ehleketa hi leswi hi swi fikeleleke kumbe ku xiximiwa loku hi fanelaka, naswona swi pfurhetela malangavi ya xidyoho. A nga kona loyi a lavaka ku va ekusuhi na munhu loyi a taleke hi moya wo hisa. Xintshuxo i ku tala hi rirhandzu ra Xikwembu. Kutani leswi humaka swi ta va ku tsakela ka xiviri ni ku khathalela vanhu van’wana. Xana u nga kombela Xikwembu ku ku nyika muxaka wolowo wa rirhandzu ra xiviri? A HI LAVEN IXIKWEMBU.