Clapping to the Lord (29 March 2024) Ku ba mavoko eHosini
Vana vo tala va dyondza ku ba mavoko ni ku tsaka va nga si tiva ni ku vulavula. Kuna swin’wana endzeni ka vona leswi lavaka ku paluxiwa. U ta swi vona hi loko n’wana a ba mavoko hi ntsako, na loko a nghena emagandlati ya lwandle a ri karhi a rhurhumela, kumbe ku pfula nyiko ya khisimusi ya mihlovo yo vangama. Nhlamulo yoleyo hi leyi tiendlekelaka, ya ntsako, i mianakanyo leyi nga endzhaku ka Pisalema 47:1 leyi nge: “phoketelani mavoko, n’wina vanhu hinkwavo! Huwelelani eka Xikwembu hi tinsimu leti tlakukeke ta ntsako!” Hi kuya hi Bibele ku phokotela mavoko eka Hosi swi katsa swo tlula ku hlayisa nkarhi eka vuyimbeleri. Loko vana va Xikwembu va nghena enambyeni wa ku tsakisa wa Xikwembu kumbe va lemuka tinyiko ta tintswalo ta xona, hi fanele ku hlamula hi ntsako. Tirhisa nkarhi wo karhi namuntlha u ehleketa hi ku hlamarisa ka mintirho ya Xikwembu na rirhandzu ra xona. Kutani hlamula eka vukulu bya Xona. U nga ha lava ku ba mavoko ya wena hi ku kongoma. Kambe xa nkoka swinene, iku hlamula embilwini ya wena hi ntsako ni nhlamariso. A HI LAVENI XIKWEMBU.