You’re Not God (25 March 2024) A wu Xikwembu
Ndzi tshame ndzi khunguvanyeka swinene hi munhu loyi ndzi tirhaka na yena. Ndzi tikume ndzi ri karhi ndzi lwisana ni ku hlundzuka naswona ndzi tlhela ndzi tlanga xiyimo lexi hi ku engeta-engeta emianakanyweni ya mina. Kutani ndzi lemuke leswaku hikokwalaho ka yini swi ndzi karhata swinene. A ndzi lava ku lawula naswona mahanyelo ya mutirhi-kulorhi a ma nga fambisani ni pulani ya mina. Ndzi fonele munghana wa mina wa vutlhariha kutani ndzi n’wi kombela leswaku a ndzi khongelela. Loko hi ri kusuhi no veka hansi riqingho, u engeterile a ku: “Nancy, a ndzi swi tivi leswaku ndzi nga swi vula njhani leswi, kambe tsundzuka . . . a wu Xikwembu.” Tani hi vavasati, hi na ku navela ko tano ku va hi lawula, ku lawula swiyimo leswaku hi titwa hi tshamisekile. Kambe ndlela ya ntiyiso yo ya eku rhuleni yi ta loko hi tshemba leswaku Xikwembu xi lawula. Loko hi nyikela hinkwaswo eka Hosi, hi pfumela leswaku hakunene Hosi yina matimba hinkwawo. Xana u ringeta ku lawula vanhu kumbe swiyimo? Xana wa hlundzuka loko swilo swi nga fambi hi ndlela ya wena? Tsundzuka—a wu Xikwembu. A HI LAVENI XIKWEMBU