Put on Love – Ambala Rirhandzu (8 Dec 2023)
Ndzi ehleketa leswaku xin’wana xa swilo swo sungula leswi u swi endleke mixo lowu a ku ri ku hlawula swiambalo swa wena ivi u ambala. Kambe xana u tsundzuke ku ambala rirhandzu? Doo, sweswo a hi risuna lerintshwa. I xin’wana xa swihlawulekisi leswi Pawulo a swi boxeke eka Vakolosa 3, laha a nge, “Tiambexeni ntwela-vusiwana, musa, ku titsongahata, ku olova, ni ku lehisa mbilu” (v. 12). Xana u nga anakanya leswaku makaya ni tindhawu ta hina to tirhela eka tona a ku ta va kuri njhani loko un’wana ni un’wana wa hina a ambala swihlawulekisi sweswo swa ntlhanu mixo wun’wana ni wun’wana kee? Ndzimana leyi yi ya emahlweni yi ku, “Ehenhla ka hinkwaswo ambalani rirhandzu, leri hlanganisaka hinkwaswo hi ku twanana loku hetisekeke.” Rirhandzu hi rona ri kokaka xiambalo hinkwaxo. Xana u heta nkarhi wo tanihi kwihi u ri karhi u ambala nimixo? Naswona u heta nkarhi wo tanihi kwihi u ambala ntwela-vusiwana, musa, ku titsongahata, ku olova, ku lehisa mbilu—naswona ku tlula hinkwaswo, rirhandzu? A HI LAVENI XIKWEMBU.