Fruitful (01 April 2024) Ku Tswala Mihandzu.
Loko Xikwembu xi nyike Abraham na Sarah n’wana loko va dyuharile, xi paluxe vito lerintshwa ra xona. Xi te, “Hi mina El Shaddai,” leswi vulaka Loyi a eneleke. Xikwembu xi te, “Ndzi ta mi andzisa swinene.” Eka Matsalwa hinkwawo vito ra El Shaddai ri fambelana na ku tswala mihandzu. Xikwembu xi andzisa leswi hi nga swi endlaka hi ku ringanela ka Xona. Eka Genesa 28 Abrahama u te eka n’wana wa yena, “El Shaddai a ku katekisi, u tswala.” Eka ndzima ya 35 Xikwembu xi ri eka Yakobe, “Hi mina El Shadai. Tswalanani, mi andza.” Hi Xona Xi hi endlaka hi tswala mihandzu. Xikwembu xi lava ku humesa eka hina mihandzu ya Moya tani hi leswi yi kumekaka eka Vagalatiya 5:22. Swilo swo fana ni rirhandzu, ntsako, ku rhula ni swin’wana. Xana swihlawulekiso swoleswo swa kula evuton’wini bya wena? Kombela El Shaddai, Loyi a eneleke eka hinkwaswo, ku hluvukisa mihandzu ya Moya wa Yena eka wena. A HI LAVENI XIKWEMBU.