For Our Good (6 Feb 2024) Swa Kahle Swa Hina
Xikwembu xi nga tirhisa ku xaniseka hi tindlela ta matimba ku hi endla hi fana swinene na Yesu. Minkarhi yin’wana hi xaniseka hikuva hiri karhi hi tshinyiwa—ku nga ku tshinya ka rirhandzu ka Xikwembu ka xidyoho xa hina. Minkarhi yin’wana ku xaniseka ka hina ku vangiwa hi ku tsemetiwa tani hi loko Xikwembu xi tsemeta swiphemu leswi nga tswariki mihandzu evuton’wini bya hina. Naswona minkarhi yin’wana hi twisiwa ku vava ntsena hikuva hi hanya emisaveni leyi weke. Swinga ri na mhaka leswaku xivangelo i yini, Xikwembu xi nga tirhisa nhlomulo ku hi basisa eka xidyoho ni ku hi kwetsimisa. Kumbexana u hundza eka nguva ya nhlomulo sweswi. Xana ndzi nga ku hlohlotela? U nga heli matimba. Tshama u ri karhi u lava Xikwembu, kutani u ta ku loko u languta endzhaku eka nkarhi lowu u ta hlamarisa hi ndlela leyi u kuleke ha yona. Vaheveru 12 yi hi tsundzuxa leswaku”u hi laya hi swa kahle, leswaku hi ta avelana ku kwetsima ka yena” (v. 10). A HI LAVENI XIKWEMBU.