Vir meeste mense is die belangrikste persoon in die heelal hulleself. Hulle bestaan uit eindelose variasies van die woord “ek”.
Ons instinktiewe reaksie op die lewe is selfgesentreerd: Hoe raak dit my? Sal dit my gelukkig maak? Hoekom het dit met my gebeur?
En dit stop nie daar nie, eintlik is dit nie genoeg om die middelpunt van ons eie heelal te wees nie. Baie keer wil ons ook die middelpunt van almal om ons se wêreld wees—insluitend God s’n.
Die apostel Paulus het verstaan dat God nie vir ons bestaan nie, maar dat ons vir Hom geskape is. Ons moet aan hierdie woorde van Kolossense 1:16 herinner word: “want in Hom is alle dinge geskape wat in die hemele en op die aarde is, wat sienlik en onsienlik is, trone sowel as heerskappye en owerhede en magte — alle dinge is deur Hom en tot Hom geskape.”
As jy vandag in die versoeking kom om te dink, “ek, ek, ek”, verskuif eerder dadelik jou fokus na God toe.
Seëngroete van ROHSA