Word for Word (5 August 2024) Rito hi Rito
Xana u tshame u kuma mianakanyo ya wena yi ri karhi yi rhendzeleka loko u hlaya Bibele? Endlelo ra khale ri nga ha ku pfuna leswaku u dzikisa mianakanyo. Ku tinyika nkarhi wo tsala tindzimana to karhi ta Rito ra Xikwembu swi hi sindzisa ku ehleketa hi leswi hi swi hlayaka. Swi hi pfuna ku xiya vuxokoxoko bya tsalwa hi vukheta. Eka Testamente ya Khale Xikwembu a xi tala ku byela Vaisraele ku tekelela nawu wa xona. Eka Deteronoma 6:9 yiri, “Ma tsali etinyangweni ta tindlu ta n’wina ni le tinyangweni ta tikhoro ta n’wina.” Nkarhi wun’wana va byeriwe ku veka maribye man’wana lamakulu naswona “va tsala kahle swinene marito hinkwawo ya nawu lowu eka maribye lawa va ma vekeke.” U nga ha kuma swi pfuna ku endla nchumu lowu fanaka. Loko u kuma leswaku swa tika ku dzikisa mianakanyo loko u hlaya, ringeta ku tsala ndzimana leyi u yi hlayaka—u yi tsala rito hi rito. Naswona loko u ri ni ku navela hakunene, u nga ha lava ku endla leswi vanghana va mina vambirhi va swi endleke naswona entiyisweni u tiendlela kopi ya wena ya Bibele hinkwayo! A HI LAVENI XIKWEMBU.