Why So Downcast? (4 November 2024) Ha Yini U Khomiwe Hi Ndlela Leyi?
Nancy: Xana u tshame uva na moya wo oma eku fambeni ka wena na Hosi? Ndza swi tiva leswaku ndza swi endla, kambe ndzi kume nsusumeto lowukulu eminkarhini yoleyo eka Pisalema 42. Exikarhi ka mananga ya moya, mupisalema u titsundzuxa hi minkarhi leyi hundzeke loko a twa ntsako evukonweni bya Xikwembu. Wanuna: “Ndzi tsundzuka swilo leswi loko ndzi ri karhi ndzi chululela moya-xiviri wa mina: hilaha a ndzi tolovele ku famba ni ntshungu, ndzi rhangela ntshungu lowu yaka endlwini ya Xikwembu, hi ku huwelela ka ntsako ni ku nkhensa.” Nancy: Hi ripfumelo u endle xiboho xo gandzela, swi nga ri na mhaka leswaku u titwa njhani. Wanuna: “Veka ku tshembha ka wena eka Xikwembu, hikuva ndza ha ta xi dzunisa, Muponisi wa mina ni Xikwembu xa mina.” Nancy: Loko u ri enkarhini wo oma, ha yini u nga sunguli ku endla nxaxamelo wa swilo leswi Xikwembu xi swi endleke? Kutani endla xiboho xa vukheta xo Xi gandzela. Wanuna: “Moya-xiviri wa mina wu tsanile endzeni ka mina; hikwalaho, ndzi ta ku tsundzuka.” A HI LAVENI XIKWEMBU.