What If? (9 Sept 2024) Loko ku vuriwa Ku
Xana u tshame u ehleketa leswaku vutomi a byi ta va njhani loko Xikwembu a xi nga si tshama xi hi nyika Rito ra xona leri tsariweke? I ntiyiso,a hita swi tiva leswaku ku ni Xikwembu. Pisalema 19 yi hi byela leswaku “matilo ma twarisa ku vangama ka Xikwembu.” Kambe a hi nga ta swi tiva leswaku Xi njhani. A hi nga ta swi tiva leswaku hi nga Xi tsakisa njhani. Nakambe a hi nga ta swi tiva leswinene ni leswo biha. Hi nga ha va ni ku tivona nandzu loku nga twisisekiki loko hi dyoha, kambe a hi nga ta swi tiva leswaku hikokwalaho ka yini. Anakanya hiloko u nga si tshama u twa switshembiso swa Xikwembu, swileriso swa Xikwembu, ku rhandza ka Xikwembu kumbe tindlela ta Xikwembu. Nkateko wa kona, a hi fanelanga hi va kona eka muxaka wolowo wa xivandla xa moya. Xikwembu xi vulavurile. Xi ti humelerisile eka hina. Sweswi anakanya hi nchumu wun’wana. Xikwembu xi hi nyike nyiko ya risima ya Rito ra xona. Kambe anakanya leswaku vanhu va yi tshika yi tshama exifelefini naswona a va si tshama va yi hlaya. Loko u nga si swi endla nkarhinyana, xana u nga veka nkarhi wo karhi etlhelo u ta tiva Xikwembu hi Rito ra Xona? A H ILAVENI XIKWEMBU.