True Happiness (22 April 2024) Ntsako wa Ntiyiso
Wansati: Loko ndzi ri na khume mune wa malembe, papa va lovile, ivi ndzi vutiwa ndzi ri na khume-nsevu wa malembe. Loko ndzi languta endzhaku ndzi vona hi ndlela leyi a ndzi lava leswaku nuna wa mina a ri nsirhelelo wa mina ha yona. A ndzi nga ehleketi leswaku ndzi nga hanya handle ka nuna wa mina, naswona hakunene, a ndzi n’wi sivela moya. Vavasati vo tala va ehleketa leswaku xikongomelo xa vukati i ku va tsakisa. Wansati: Vanghana van’wana va ndzi kombe leswaku ndzi fanele ndzi ntshunxeka ndzi kuma ntsako wa mina eka Xikwembu ematshan’weni ya nuna mina. Endzhaku ka loko ndzi endle tano, ndzi ntshunxekile swinene. Sweswi hi le kusuhi naku ta tlangela khume ntlhanu wa malembe ya vukati bya hina. Ntiyiso hileswaku, a nga kona loyi a nga hi nyikaka ntsako hakunene handle ka Xikwembu. Wanuna: Pisalema 73:25 Xana ndzi na mani etilweni handle ka wena? Naswona a ku na nchumu emisaveni lowu ndzi wu navelaka handle ka wena. Loko u ringeta ku kuma swilaveko swa wena eka munhu un’wana, u ta hetelela u nwi susumetela ekule. Kambe loko u kuma ntsako wa wena eka vuxaka bya wena na Hosi, Hosi yi ta ku nyika ntamu lowu fanele ku korhokela ni ku rhandza nuna wa wena. Xana u languta eka Xikwembu kumbe eka munhu un’wana leswaku a enerisa swilaveko swa wena leswi enteke? A HI LAVENI XIKWEMBU.