This Is a Test (4 Sept 2024) Lexi I Xikambelo
Loko wa ha ri exikolweni, vadyondzisi va wena kumbexana va ku nyike swivutiso swo karhi. Nakona a ku ri na swikambelo swa le xikarhi na swa ku hela ka lembe. Mudyondzisi a a lava ku kombisa loko u dyondze rungula rero. Xikwembu xi hi nyika swikambelo na hina. Eka Testamente ya Khale, hi hlaya leswaku U rhangele vanhu va yena emananga. Xikwembu xi te, “hi ndlela leyi ndzi ta va kambela ndzi vona loko va ta landzelela swiletelo swa mina” (Eks. 16:4). Xikwembu xi tiva hinkwaswo, hakunene, kambe minkarhi yin’wana Xa hi kambela. Xo sungula, Xi lava ku hi komba hakunene leswi nga embilwini ya wena. Nakambe Xi lava ku kuma loko u ta yingisa. Xo hetelela, Xi kombisa loko u Xi tshemba hakunene. A wu nge pfuki u tivile tinhlamulo ta swivutiso leswi ku kondza u hundza eka tinguva ta ku ringiwa—mintokoto ya mananga. Kumbexana u le ka xiyimo xo tika sweswi. Kombela Xikwembu leswaku xi paluxa mbilu ya wena hi xiyimo lexi. Hi nkarhi lowu faneleke, Xikwembu xi ta ku rhangela ehandle. A HI LAVENI XIKWEMBU.