Third Street – Xitarata xa Vunharhu (16 Nov 2023)
Ndzi tshame ndzi twa xitori xa mudiyakoni wa kereke loyi a a tshama edorobeni leritsongo naswona ku ringana malembe yo tala u arile ku chayela eXitarateni lexi axi vuriwa 3rd street. A hlundzukele wanuna un’wana loyi a a tshama exitarateni xexo hikwalaho ka ku avana ka kereke loku humeleleke malembe ya khume lama hundzeke. Kutani Xikwembu xi endzele kereke leyi ya mudiyakoni hi pfuxelelo. Tani hi loko Xikwembu xi ri karhi xi famba famba, vurhangeri byi swi xiyile leswaku a byi endlanga swilo hi ndlela leyinene hi nkarhi wa ku avana. Kutani ntlawa wa vanhu va kwalomu ka makume mune lava humaka ekerekeni leyikulu wu endzele lava humeke kerekeni. Va titsongahata va ku: “Hi mi dyoherile. Xana minga hi rivalela?” Xana wa yi tiva ndhawu yo sungula leyi mudiyakoni yoloye a nga ya eka yona endzhaku ka loko Xikwembu xi n’wi ntshunxile eka malembe wolawo ya ku vava? A kuri Xitarata xa Vunharhu. Xana u kona loyi u alaku ku vulavula na yena hikwalaho ka mhaka yo karhi leyi humeleleke enkarhini lowu hundzeke? Endla leswi wanuna loyi a swi endleke: Titsongahate, u kombela ku rivaleriwa. Hi yona ndlela yo ya eka ntshunxeko wa ntiyiso. A HI LAVENI XIKWEMBU.