The Spirit Intercedes (4 June 2024) Moya Wa Hi Khongelela
Wansati: Loko ndzi tshama ehansi ndzi khongela, miehleketo ya mina yi lo vhe yi timeka! Ndza swi tiva leswaku ku ni swilo leswi ndzi faneleke ku swi khongelela, kambe a ndzi koti ku tsundzuka leswaku i yini. Ndzi ehleketa leswaku hinkwerhu hi tshame hi va eka xiyimo lexi. Hambi ku ri muapostola Pawulo u te, “A hi tivi ku khongela hilaha hi faneleke hakona” (Varhoma 8:26). U swi xiyile leswaku a a lava mpfuno wo tiva ndlela yo khongela hi ku ya hi ku rhandza ka Xikwembu. Kambe u tlhele a swi xiya leswaku Xikwembu xi hlanganisa xilaveko xolexo hi ku hi nyika Moya lowo Kwetsima. Kutani Pawulo u tsarile aku, “Moya wa hi pfuna eku tsaneni ka hina. . . . Wa hi khongelela hi ku konya loku marito ya nga kotiki ku phofula. Naswona loyi a kambelaka timbilu ta hina u tiva miehleketo ya ximoya, hikuva Moya wu khongelela vakwetsimi hi ku landza ku rhandza ka Xikwembu” (tindzimana 26-27). Wansati: Moya lowo kwetsima, a ndzi tivi ku rhandza ka Tatana eka ndhawu leyi. A ndzi swi tivi leswaku ndzi ta khongelela yini. Kambe Bibele yi ri u ta ndzi pfuna eku tsaneni ka mina ni leswaku U ta ndzi khongelela. Xana U nga swi endla sweswo sweswi kee? A HI LAVENI XIKWEMBU.