The Spirit Drove Him (14 Jan 2025) Moya Wu N’wi Fambisile
U nga kuma vadyondzisi va Bibele masiku lawa va nga ta ku byela leswaku loko u famba na Xikwembu u ta va u hanye kahle, u ta va na mali ebangi, nuna wa wena u ta ku rhandza swinene, naswona u nge vi na minkarhi yo oma hi tlhelo ra moya. Kambe endzhaku ndzi languta Yesu. Evhangeli ya Marka yi hi byela leswaku, “Moya wu n’wi yise emananga.” Yesu a a nga dyohanga. A a lulamile eka Xikwembu naswona a tele hi Moya lowo Kwetsima, hambiswiritano U langutane na masiku ya makume mune yo ka ya nga ntshunxekanga, ya xivundza emananga a ri karhi a ringiwa swinene. Minkarhi yin’wana hi tikuma hi ri emananga hikwalaho ka xidyoho xa hina, kambe a swi tano hi minkarhi hinkwayo. Ku fana na Yesu, hi nga ha nghena enkarhini lowu omeke, lowu nonon’hwaka leswaku swikongomelo leswinene swa Xikwembu swi ta hetiseka. U nga heli matimba. Hambi leswi A nga ha vonakaka a ri miliyoni wa tikhilomitara ekule, U na wena. Nkarhi lowu taka loko uti kuma uri emananga, tsundzuka leswi: U landzelela mikondzo ya Muponisi ntsena. A HI LAVENI XIKWEMBU.