The Fragrance of Christ (10 Oct 2024) Risuna ra Kriste
Nancy: Xana u nga swi tsakela loko munhu a ku hlamusela hi ku “A ndzi si tshama ndzi n’wi vona a karhatekile. Minkarhi hinkwayo a ku ri ni risuna ra Kreste mayelana ni vutomi bya yena”? Hi yona ndlela leyi mutsari Joseph Carroll a hlamuseleke manana wa matasatasa wa vana va nkombo loyi a n’wi xiyeke nkarhi lowu a ri muendzi ekaya ra yena. Swi endlekile leswaku a pfuka hi awara ya ntlhanu nimixo, kutani a lemuka leswaku wansati loyi a pfukile ari ekhongeleni. Endzhaku ka siku, u n’wi vutisile leswaku hi ntolovelo u pfuka hi nkarhi muni leswaku a khongela. U te, “Kambe, sweswo a hi xiboho xa mina. Ndzi endlile xiboho khale swinene leswaku loko Xikwembu xi lava ku va na xinakulobye na mina ndzi ta kumeka.” U te, “Ku na minkarhi leyi xi ndzi vitaneke hi awara ya ntlhanu; ku na minkarhi leyi Xi ndzi vitaneke hi awara ya tsevu. Nakona minkarhi yin’wana, Xikwembu xi ndzi Vitana hi awara ya mbirhi nimixo, ndzi ehleketa ntsena leswaku xa ndzi kambela.” Loko hi lava ku hlamuseriwa tani hi vavasati lava a va ri na “risuna ra Kriste” mayelana na vutomi bya hina, hi fanele ku heta nkarhi eka Rito na hi xikhongelo. Ha yini u nga kombeli Xikwembu leswaku xi ku pfuxa mundzuku? A HI LAVENI XIKWEMBU.