The First Hour Awara yo Sungula (15 Nov 2023)
Xana u yi tirhisa njhani awara yo sungula ya siku ra wena? Wansati uri kahle kahle, endzhaku ka loko ndzi time alamu, ka nharhu, hi ntolovelo ndzi sungula ku tsutsuma tsutsuma yindlu hinkwayo ndzi lunghisa, ndzi endla ni swakudya swa nimixo. Ndzi kambela maxelo, ivi hi nghena endleleni. Pisalema 5 yi ri, “Ni mixo ndzi veka swikombelo swa mina emahlweni ka wena, ndzi rindza hi ku langutela” (v. 3). Tatana u endle xikombiso hi ndzimana yoleyo hakunene. Eku sunguleni ka vutomi bya yena bya Vukriste u tlhontlhiwile ku heta awara yo sungula ya siku ra yena a ri eRitweni ra Xikwembu na hi xikhongelo. Naswona u swi endlile. Hambi leswi a ri n’wamabindzu loyi a ri na swilo swo tala swo swi endla, a nga si tshama a tlula na siku na rin’we ku fikela siku leri a nga ya ekaya ku ya va na Hosi, endzhaku ka malembe ya makume mbirhi nhungu. Xifaniso xa tatana a khinsamile hi matsolo swi endle nkucutelo lowukulu eka ku famba ka mina na Hosi. Xana u veka xikombiso xa njhani eka lava u hanyaka na vona? Loko vuxaka bya wena na Xikwembu byi ri bya nkoka swinene eka wena, xana wa byi kombisa hi ndlela leyi u tirhisaka nkarhi wa wena ha yona kee? AHI LAVENI XIKWEMBU.