Temptation and Praise – Ndzingo na ku dzunisiwa (14 Feb 2025)
Eka Matewu 4, Yesu u tekelele ndlela ya matimba yo hlamula eka ndzingo. Sathana u ringe Yesu leswaku a nwu khinsamela a n’wi gandzela. Yesu a hlamula a ku: “U ta gandzela HOSI Xikwembu xa wena.” Hi nkarhi lowu Yesu a kombiseke ku tinyiketela ka Yena evugandzerini, Bibele yi ri, “diyavulosi u n’wi tshikile.” Ku dzunisa ku hlula Sathana. Sathana u venga Xikwembu ni xin’wana ni xin’wana lexi tsakisaka Xikwembu. Rin’wana ra maqhinga yakwe i ku hi endla hi dzikisa mianakanyo ya hina eka hina vinyi—swilaveko swa hina, swiphiqo swa hina, swiyimo ni mintlhaveko ya hina. Kambe loko hi tlakusa mahlo ya hina, hambi leswi ma nga ha talaka mihloti, hi hlawula ku dzunisa Hosi, kungu ra Sathana ra hluriwa naswona Xikwembu xi hlula evuton’wini bya hina. Xana u xanisiwa hi ku chava ni ku kanakana? Xana u hlaseriwe hi miringo? Ringeta ku dzunisa Hosi, u languta Sathana a baleka. A HI LAVENI XIKWEMBU.