Teach Us to Pray (8 August 2024) Hi Dyondzise Ku Khongela
Xana u titwa onge a wu swi tivi ku khongela? Eka xikhongelo xa Yena xa xikombiso, Yesu u lerisile vadyondzisiwa va Yena ku sungula hi ku tlakusela mahlo ya vona eka Tata wa vona etilweni, va ku, “Vito ra wena a ri hlawuleke.” Hi nga khongela tano na hina.
Wansati: Hosi, vito ra Wena ari gandzeriwi ri tlhela ri xiximiwa hi vanhu hinkwako.
Wanuna: Hosi, ndzi pfune ku tisa ku dzuneka eka vito ra Wena namuntlha.
Nancy: Kutani A ku, “Mfumo wa wena a wu te.”
Wanuna: Xikwembu, ndzi khongela leswaku mfumo wa Wena wu ta emisaveni hinkwayo.
Wansati: Ndzi lava Wena na Wena ntsena u fuma embilwini ya mina namuntlha.
Nancy: Ku rhandza ka wena a ku endliwe emisaveni tani hi loko ku endliwaka etilweni.
Wansati: Endla hi Ndlela ya Wena evuton’wini bya mina namuntlha we Hosi. Ndzi lava Wena exiluvelweni.
Wanuna: Hosi, ndzi pfune ndzi vona leswi U swi endlaka namuntlha.
Nancy: Loko u nga ri na mukhuva wo khongela hi ndlela leyi, tinyike nkarhi wo anakanyisisa hi swikombelo swinharhu swo sungula eka Xikhongelo xa Hosi: vito ra Wena a ri hlawuleke, Mfumo wa wena a wu te, a ku endliwe ku rhandza ka wena.
A HI LAVENI XIKWEMBU.