Rebellion in the desert (12 November 2024) Ku xandzuka emananga.
Xana wa swi tiva leswaku hi nga lehisa ku xaniseka hi ku angula ka hina? Ndzi tshame ndzi vulavula ni wansati un’wana loyi a hanyeke nkarhi wo leha ni ntshikilelo lowu nga heriki ni mianakanyo yo tisunga. U te, “Ndza swi lemuka sweswi leswaku malembe wolawo hinkwawo ma huma eka ku xandzukela ka mina ka Hosi loko ndzi ri karhi ndzi famba emananga ya vutomi.” Yi ndzi tsundzuxa Pisalema 68:6 laha yi nge, Xikwembu “xi yisa vabohiwa eku humeleleni, kambe vaxandzuki va tshama etikweni leri omeke.” Loko u hele matimba kumbe u tshikelelekile, swi nga ha endleka ku nga ri hikwalaho ka leswi u endleke swo biha. Xikwembu xi nga ha va xi ri karhi xi lunghiselela ku ku yisa eku humeleleni. Kambe ndlela leyi u langutanaka ha yona ni xiphiqo yi nga ha vanga malembe man’wana yo tala yo tsendzeleka. Kutani u nga tshami etikweni leri omeke nkarhi wo leha ku tlula lowu u faneleke ku wu tshama. Loko u ri emananga sweswi, pfumelela Xikwembu xi ku rhangela eka wona, naswona u xi tshemba leswaku xi ta ku rhangela ehandle endleleni ya xona na nkarhi wa xona. A HI LAVENI XIKWEMBU.