Public and Private Praise (13 Jan 2025)Ku dzunisiwa ka le rivaleni na ka le xihundleni
Emalembeni lama hundzeke ndzi ve ni ntokoto lowu ndzi nga ta ka ndzi nga wu rivali. A ndzi tshama ekaya ra munghana wa mina, kutani exikarhi ka vusiku, ndzi pfuxiwile hi mpfumawulo wa ku yimbelela. Mufundhisi un’wana wa le Nigeria ni nsati wakwe na vona a va ri vaendzi ekaya roleo. Ekamareni ro etlela ekusuhi na ra mina, vumbirhi lebyi ava ava yimbelela risimu ro randzeka leri nge “How Great Thou Art”—hi ku nonoka, hi rito lerikulu, hi ririmi ra vona ro tika ra le Nigeria, hi timbilu ta vona hinkwato. Eku sunguleni a ndzi tivutisa loko kuri ndzi twa tintsumi ti ri karhi ti yimbelela. Kutani ndzi ehlekete hi ndlela leyi ku yimbelela ka lavambirhi a ku hambanile ha yona ni ndlela leyi vo tala va hina hi yimbelelaka ha yona ekerekeni. Hi nomu marito ya huma ka ntsongo hi ri karhi hi hlalela vayimbeleri lava nga ni vutshila exitejini. Ndzi ehleketa leswaku Davida a yimbelela hi mbilu ya yena, ku fana na maAfrika lavambirhi, loko a tsala marito lawa: Dzunisa Yehovha, Wena moya-xiviri wa mina; hinkwaswo leswi nga endzeni ka mina, dzunisa vito ra yena ro kwetsima (Pis. 103:1). Hi nga vi vahlaleri. A hi pfumeleleni moya wa hina wu kuma rito ra wona eku dzuniseni. A HI LAVENI XIKWEMBU.