Precious and Unique (4 Feb 2025) Risima Na Ku Hlawuleka
Ndzi tshame ndzi vona khathaloko leyi a yi nyikela leswi va swi vitanaka “Magical Nightshirt.” A yi ri ni rungula leri kandziyisiweke endzhaku, leswaku u ta kota ku ri hlaya exivonini. Rungula ri te, “Ndzi munhu wa risima, wo hlamarisa, wo hlawuleka, la nga tolovelekangiki, la heleleke, la nga ni mfanelo, la fanelekaka ni la faneriwaka.” Hi ku ya hi khathaloko, xikipa xa vusiku a xi endleriwe ku “ku tsundzuxa ndlela leyi u nga wa risima ni ku hlawuleka ha yona.” Xikhipa xexo xa vusiku xi kombisa ku navela ka leswaku hinkwerhu hi fanele hi titwa hi hlawulekile naswona hi ri va nkoka. Hi va risima naswona hi hlawulekile eka Xikwembu hikuva hi endliwe hi xifaniso xa xona, kambe a hi vi va nkoka hi ku tibyela ndlela leyi hi rhandzekaka ha yona. Ematshan’weni ya sweswo, hi ta eka Xikwembu hi pfumela leswaku hi wile, hi tshovekile, hi tsanile naswona hi dyohile. Kutani hi amukela tintswalo ta Xikwembu na rirhandzu ra Xona leri nga fanelangiki vadyohi leri kombisiweke hi rifu ra Kriste exihambanweni hikwalaho ka hina. Sweswo hi swona swi nyikaka vutomi bya hina nkoka wa ntiyiso na ntikelo. A HI LAVENI XIKWEMBU.