Perspective – Langutelo (27 Nov 2023)
Andzi nga swi rivali swa le ka malembe lawa hundzeke enkosini wa buti wa mina, loko xivulavuri xin’wana xi ku, “A swi bihanga ku vutisa Xikwembu leswaku hikokwalalaho ka yini, ntsena loko hi vutisa ku nga ri hi ku hlundzuka kambe hi mbilu yo lavisisa.” Ndzi ehleketa leswaku Davhida u na mbilu yo lavisisa eka Pisalema 10:1. U languta ku vava ni vubihi emisaveni kutani a ku, “Hikokwalaho ka yini, Hosi, u yime ekule?” Kambe hafu ya pisalema u suka eka langutelo ra laha misaveni a ya eka leri nga heriki. U ri, “Wena Xikwembu, u vona maxangu ni gome; wa ri teka ni ku ri teka hi voko.” Kutani a ya emahlweni a ku: “We HOSI, u twa ku navela ka lava xanisekaka; u va khutaza, u yingisa xirilo xa vona” (tindzimana 14, 17). Hi ku ya hi langutelo ra hina ra laha misaveni, minkarhi yin’wana ha tivutisa leswaku ha yini swilo swo karhi swi humelela. Kambe Xikwembu a xi nge pfuki xi pfumelele ku vava ni ku xaniseka ka hina ku ya emahlweni nkarhi wo leha ku tlula lowu lavekaka. Xana u nga kombela Xikwembu leswaku xi ku nyika langutelo leri nga heriki namuntlha? A HI LAVENI XIKWEMBU.