Wanneer jy volgende keer in die tou staan en wag by die kasregisters, kyk bietjie na die voorblaaie van die uitgestalde tydskrifte. Jy sal agterkom dat daardie voorblaaie gevul is met beloftes om mense se begeertes te bevredig. “25 geheime om jonk te lyk of bederf jouself met hierdie wonder middels vir onmiddellike resultate, en dan praat ons nie eens van al die guru’s se raad oor verhoudings nie.”
Natuurlik kan hierdie tydskrif artikels nie werklik lewer wat hulle belowe nie. Trouens, hierdie strewe na vervulling het al allerhande hartseer veroorsaak. Dit het daartoe gelei dat vroue hul onskuld verruil vir leë beloftes. Dit het ook al daartoe gelei dat getroude vroue vervulling soek in die arms van ‘n kollega by die werk. Dit het daatoe bygedra dat hoeveel paartjies deur die gange van die skeihof stap – alles in ‘n poging om ‘n diep, innerlike verlange te bevredig.
Die waarheid is, ons sal altyd onvervulde verlange hierdie kant van die hemel hê. As ons hier op aarde net voortdurend na bevrediging soek, sal ons net teleurstelling beleef. Maar as ons fokus verander en daardie verlange ons na die hemel laat uitsien, kan ons fokus op ware bevrediging wat vir ewig gaan hou.
2 Petrus 1:4 “Deur dit te doen, het Hy ons die kosbaarste en allergrootste gawes geskenk wat Hy belowe het. Daardeur kan julle die verderf ontvlug wat deur begeerlikheid in die wêreld werksaam is, en deel kry aan die Goddelike natuur.”
Seëngroete van ROHSA