More Traits of a Godly Woman (3 Sept 2024) Mikhuva Yin’wana Ya Wansati Loyi A Chavaka Xikwembu.
Nancy: Hi tihi timfanelo tin’wana ta wansati la chavaka Xikwembu? Bibele yi ni swo tala swo swi vula hi mhaka yoleyo.
Wansati: U vulavula hi vutlhari, naswona ndzetelo wo tshembeka wu le ririnwini ra yena (Swiv. 31:26).
Nancy: Xana u katekisa ndyangu ni vanghana va wena hi ku vulavula marito lama nga ni musa ni ya vutlhari? Xana wa swi kota ku kombetela vanhu eka matsalwa yo karhi laya tirhaka evuton’wini bya vona ni le ka swilaveko swa vona kee?
Wansati: Hi ku lehisa mbilu unga khorwisa mufumi, naswona ririmi ro olova ri nga tshovelela marhambu (Swiv. 25:15).
Nancy: Xana u tiyimisele ku rindza hi ku miyela leswaku Xikwembu xi cinca mbilu ya munhu la nga ni vulawuri ematshan’weni yo kanganyisa kumbe ku n’wi karhata kee? Xana u kucetela van’wana hi marito yo olova kumbe u ringeta ku va lawula hi marito yo tlhava kee?
Wansati: Swa antswa ku tshama emananga, ku ri na ku tshama na wansati wo kariha wa madzolonga (Swiv. 21:19). Nancy: Xana moya wa wena wu endla leswaku vanhu va va ekusuhi na wena kee? Hosi, ndzi khongela leswaku U hi endla muxaka wa vavasati vo tlhariha, va tintswalo lava U va tumbuluxeke leswaku hi va vona—vavasati lava kombisaka ku saseka ka Kriste hi tindlela hinkwato. Amen. A HI LAVENI XIKWEMBU.