Lyding gee ons die kans om vir onsself te wys of ons God vertrou.
William Law was ‘n skrywer in die sewentiende eeu. Hy het verstaan dat heiligheid belangriker is as ons kortstondige geluk. Hy het gesê: “Ontvang elke probleem of moeiilheid, elke teleurstelling, pyn, ongemak, versoeking, duisternis en verlatenheid met albei jou hande. Ontvang elke moeilikheid as ‘n werklik geseënde geleentheid, om aan jouself te sterf en in voller gemeenskap met jou selfverloënende Verlosser te wees.
Wanneer lyding in my lewe kom, aanvaar ek dit nie altyd maklik nie. Ek dink nie noodwendig eerste daaraan as ‘n geleentheid vir my om meer soos Jesus te word en nader aan God te kom nie. Maar dit is.
Volgende keer as ‘n uitdaging homself voordoen, kom ons probeer om dit te aanvaar in plaas daarvan om te kla of daaruit te wurm. En dan vra ons vir God om aan ons Sy krag te gee om te kan volhard, en om ons daardeur te leer.
In die Nuwe Lewende Vertaling verduidelik Jakobus 1:2-4 so: “My broers en susters, wanneer julle in allerhande beproewings beland, moet julle eintlik baie bly wees. Julle weet mos: Wanneer ’n mens se geloof ’n toets deurstaan, veroorsaak dit dat jy kan volhard. Julle moet egter enduit volhard. Dan sal julle julle lewensdoel bereik en geestelik gesond wees. Julle sal niks kortkom nie.”
Seëngroete van ROHSA