Instant Results (8 Oct 2024) Vuyelo bya Xihatla
Nancy: Hi toloverile xihatla xa swin’wana ni swin’wana—hambi loko swi ta emhakeni ya xikhongelo. Wansati: Loko ndzi languta endzhaku, swikhongelo ni minsusumeto ya mina a swi ri swa vutianakanyi swinene. A ndzi ri ni xiphiqo xa swakudya ni ntiko wa mina. A ndzi khongela nkarhi hinkwawo leswaku Xikwembu xi ndzi kutsula, kambe a ndzi nga lavi ku cinca ndlela leyi andzi hanyaka ha yona. A ndzi lava leswaku Xikwembu xi ndzi nyika vuyelo bya xihatla. Nancy: Hi hanya emisaveni leyi weke. Hambi ku ri lava kutsuriweke va fanele ku langutana ni ndzingo, mavabyi, ku lahlekeriwa, ku vava ni rifu. Kambe hi lawa mahungu lamanene: Xikwembu xi tiyimisele ku famba na hina eka xiyimo xin’wana ni xin’wana xo tika. Eka endlelo leri, Xi ta hi dyondzisa ku Xi tshemba swinene. Xikwembu xi tirhisa mintshikilelo yoleyo ku hi endla hi fana swinene na N’wana wa Xona, Yesu. Kutani, swi nga ri na mhaka leswaku u langutane na yini, u nga heli matimba. A ku na lexi hoxekeke eku kombeleni Xikwembu leswaku xi swi susa. Kambe hi nga tlhela hi kombela ku xi vona kahle hi ku tirhisa ndzingo. Loko u rindza, u nga ha tiva Xikwembu hi ndlela leyi a yi nga ta koteka. AHI LAVENI XIKWEMBU.