How Do I Set Priorities? (19 Feb 2025) Ndzi Swi Veka Njhani Swilo Swa Rhanga?
Wansati: Mina na nuna wa mina hi ringeta ku ehleketa hi swiyimo swa hina, naswona hi ringeta ku teka xiboho xa leswaku ndzi fanele ndzi teka ntirho kumbe e-e. Xana ndzi nga xi teka njhani xiboho lexikulu swonghasi?
Nancy: Ndzi navela onge hi nga tshama ehansi hi nwa kofi hi vulavula hi mhaka leyi! Andzi rhandzi ngopfu ku khanseriwa , kambe hi leswi swivutiso swi nga ri swingani leswi u faneleke ku ehleketa ha swona.
- Xana u khongerile hi swona u kombela vutlhari eka Hosi?
- Xana u kona wansati wo tlhariha, la kuleke, la chavaka Xikwembu evuton’wini bya wena loyi u nga bulaka na yena hi mhaka leyi?
- Anakanya hi nguva ya wena ya vutomi na swilaveko swa ndyangu wa wena, na swilo leswi uswi rhangisaka emahlweni. Xana ntirho ehandle ka muti hi nkarhi lowu wu ta ndlandlamuxa kumbe wu ta kavanyeta swilaveko swa ndyangu wa wena, kumbe vuswikoti bya wena byo tirhela nuna wa wena ni vana va wena, loko u ri na swona?
- Naswona loko swi ta kavanyeta, xana yi kona ndlela yin’wana leyi Xikwembu xi nga ha lavaka ku hetisisa swilaveko swa wena?
A ndzi nge ku byeli leswi u faneleke ku swi endla eka nguva leyi, kambe ndza swi tiva leswaku Hosi yi ta ku komba ndlela loko u yi kombela no yi lava eRitweni ra yona. A HI LAVENI XIKWEMBU.