Ons werksplek bied ons ‘n wonderlike geleentheid om ons heiligheid en afgesonderd wees vir God, te beoefen. Jou werksplek is dalk in en om jou huis, of dalk werk jy vanuit jou huis, of dalk is jou werksplek weg van jou huis af.
Sien jy die geleenthede raak om jou werk met heiligheid uit te voer?
- Is God jou werkgewer, is Hy die baas vir wie jy jou werk doen?
- Is jy pligsgetrou in jou werk? Hou jy by jou woord en handel jy jou werk af na die beste van jou vermoeë?
- Gebruik jy jou werkstyd en plek vir jou sosiale media——?
- Waarvoor werk jy? Dalk vir erkenning, probeer jy mense beindruk?
- Is jy regverdig? Hanteer jy mense soos God jou hanteer?
Kolossense 3:23 “Wat julle ook al doen, werk met geesdrif, soos vir die Here, en nie soos vir mense nie, in die wete dat julle ‘n erfdeel as beloning van die Here sal ontvang; want julle staan in diens van die Here Christus.”
Seëngroete van ROHSA