Good Advice (17 Sept 2024) Xitsundzuxo Lexinene
Wansati: Munghana wa mina u vulavula hi ku siya nuna wa yena, nakambe. U kombele xitsundzuxo eka mina, kambe a ndzi tivi leswaku ndzi ta ku yini. Xana ndzi mani leswaku ndzi nga n’wi byelaka leswi a faneleke ku swi endla? Swi nga ha tika ku tiva leswi u nga swi vulaka eka munhu loyi a vavisekeke kumbe a pfilunganyekeke, kumbe a karhatekeke hi leswi a faneleke ku swi endla. Kambe ntiyiso hileswaku, a va lavi xitsundzuxo xa hina. Va fanele va tiva leswi Xikwembu xi swi vulaka eRitweni ra xona. Rito ra Xikwembu ra hanya naswona ri ni matimba; i murhi wa timbilu na miehleketo leyi karhatekeke. Pisalema 119:105 yi ri hlamusela tanihi “rivoningo emilengeni ya hina ni ku vonakala etindleleni ta hina.” Swinga ri na mhaka leswaku I yini swilaveko na swiyimo swa hina, Rito ra Xikwembu ri ringanerile. Hi ku nghena eka Matsalwa, u ta kuma vutlhari eka swiyimo swo tika swinene swa vutomi. Naswona u ta va u lunghekile ku pfuna van’wana lava lavaka ntiyiso. A HI LAVENI XIKWEMBU.