God’s Will in God’s Word (10 June 2024) Ku Rhandza ka Xikwembu eRitweni ra Xikwembu
Ndzi na vanghana van’wana lavakulu lava vukati bya vona byi nga ekhombyeni lerikulu. Minkarhi yin’wana ndzi titwa onge a ndzi swi tivi leswaku ndzi nga va khongelela njhani. Kumbexana na wena u tshame u va eka xiyimo lexi fanaka. Ndza swi tiva leswaku Xikwembu xi hi komba ku rhandza ka xona eRitweni ra xona. Kutani loko ndzi khongela hi ku ya hi leswi tsalwa ri vulaka swona, ndza swi tiva leswaku ndzi khongela ku rhandza ka Xikwembu. Xikombiso, ndza swi tiva eka Vaefesa 5 leswaku i ku rhandza ka Xikwembu leswaku wanuna loyi a rhandza nsati wa yena hi ndlela leyi Kriste a rhandzaka kereke ha yona. Kutani ndzi nga khongelela leswaku nuna loyi a dyondza ku endla tano. Ndzi tlhela ndzi khongela hi ku ya hi Rito ra Xikwembu leswaku nsati loyi a dyondza ku xixima nuna wa yena ni ku titsongahata eka vurhangeri bya yena ekaya ra vona. Ndzi khongela leswaku va famba hi rirhandzu, hi vun’we ni hi ntiyiso. Nkarhi lowu taka loko u lava ku khongela hi ku ya hi ku rhandza ka Xikwembu naswona u nga tiyiseki kahle leswaku sweswo i yini, ringeta ku pfula Bibele ya wena, kutani u ta swi kuma. A HI LAVENI XIKWEMBU.