“Ag ek wens ek kan ‘n beter gewoonte aanleer en meer gereeld my Bybel lees!”
Elke nou en dan moet elkeen van ons bietjie stilstaan, en ons daaglikse skedules her-evalueer. Ons beland maklik in ‘n groef waar ons dink alles wat ons doen, is dringend en noodsaaklik. Maar ons moet besef, dat wanneer ons nie tyd het om met God in gesprek en in Sy Woord te spandeer nie, ons halt moet roep, en mooi moet dink oor alles wat ons besig hou.
Om in ‘n intieme verhouding met God te wees, beteken dat al ons aktiwiteite onder Sy heerskappy moet wees. Dan moet jy Hom toelaat om vir jou te wys wat Sy prioriteite vir hierdie seisoen in jou lewe is.
Psalm 90:12 sê: Om ons lewensdae na waarde te skat – dit moet U ons leer, sodat ons ‘n hart vol wysheid kan verwerf.
Neem vandag ‘n bietjie tyd en dink na oor jou skedule. Is daar enige aktiwiteite wat jou daarvan weerhou om gebed en Bybel lees, daagliks ‘n hoë prioriteit te maak?
Seëngroete van ROHSA