God is goed. Ons weet dit dalk intellektueel, maar glo ons dit altyd?
Hier is ‘n relevante vraag: “As God goed is, hoekom kan soveel vroue dan nie swanger raak nie?”
Twyfel aan God se goedheid was die kern van die heel eerste versoeking. Satan het die vraag geïmpliseer: “As God goed is, hoekom sou Hy vir jou sê om nie die vrugte van daardie boom te eet nie?”
Wanneer ons teruggaan na daardie eerste twee hoofstukke van Genesis, sien ons hoe goed God in werklikheid was. Ons sien hoeveel seëninge Hy vir Eva gegee het om te geniet, terwyl hy net een ding verbied het.
Satan gaan steeds vandag voort om vir ons te lieg met die fokus op daardie een ding wat ons dink ons nodig het. Dit terwyl ons die oorweldigende bewys van God se goedheid rondom ons ignoreer.
Probeer ‘n lys maak van al die maniere waarop God jou lewe al geseën het. Onthou die woorde van Psalm 145:9: “Die HERE is goed vir almal; Hy ontferm hom oor alles wat hy gemaak het.”
Seëngroete van ROHSA