Battle During Prayer (3 May 2024) Nyimpi Hi Nkarhi Wa Xikhongelo
Xana ku na nchumu lowu u nga wu khongelela, nkarhi wo leha? Wansati: N’wana wa mina u ta pfumela rini leswaku u lava mpfuno? Swi na nkarhi wo leha swinene. Nancy: Bibele yi hi byela leswaku, loko hi khongela, ku ni nyimpi ya moya leyi yaka emahlweni ni matimba ya vubihi. Leswi hi nga swi vona eka xitori xa Daniyele. Loko a sungula ku titsona ni ku khongela, ku rhumeriwe ntsumi eka yena. Kambe ku ringana masiku ya makume mbirhi n’we murhumiwa u lwisane na tintsumi leti weke. Endzhaku ka nyimpi leyikulu, ntsumi yi hetelele a fikile ku ta nyika Daniyele hlamulo. A hi nge swi twisisi hi ku helela hinkwaswo leswi endlekaka eximoyeni, kambe ha swi tiva leswaku hi fanele hi tiyisela hi xikhongelo. Kumbexana u khongerile, ku nga ri masiku ya makume mbirhi n’we, kambe malembe ya makume mbirhi n’we. U nga heli matimba! A wu swi tivi leswaku Xikwembu xi endla yini eka leswi unga swi voniki, hambi kuri leswaku xi ta rhumela nhlamulo rini. AHI LAVENI XIKWEMBU.