After Benediction Comes Battle (2 Oct 2024) Endzhaku Ka Ku Katekisiwa Ku Ta Nyimpi
Wansati: Minkarhi yin’wana ndzi pfuka, ndzi va na nkarhi lowu wo rhula lowunene hakunene, naswona endzhaku ka timinete ta ntlhanu, wa ndzi lahlekeriwa! Ndzi sungula ku huwelela vana, naswona ndzi sungula ku endla swilo swin’wana . . . Ndzi nga swi hlamusela. Mutsari un’wana u swi vule hi ndlela leyi: “Endzhaku ka nkateko ku ta nyimpi.” Hakunene ndzi kume sweswo swi ri ntiyiso evutonwini bya mina nwinyi. Ku humelele leswi fanaka eka Yesu. Endzhaku ka nkhuvulo wa Yena, Moya lowo Kwetsima wu xikile hi xivumbeko xa tuva, kutani rito leri humaka etilweni ri ku, “U N’wana wa Mina loyi ndzi n’wi rhandzaka. Ha wena ndzi tsakile swinene.” Kutani, endzhakunyana ka ntokoto lowo hlamarisa, wa moya, Yesu u hatle a rhumeriwa emananga leswaku a ya ringiwa hi Sathana. Nkarhi lowu taka loko u langutana ni nguva ya ndzingo, u nga hlamali. Xikwembu a xi ri na Yesu loko a khuvuriwa; A a Xi kona emananga; naswona Xi tshama xi ri na wena. A HI LAVENI XIKWEMBU.