A Record of Repentance (19 Sept 2023) Nkandziyiso wa ku Hundzuka
Xana Hosi yi tshame yi ku vona nandzu wo karhi loko u ri karhi u hlaya Bibele ya wena, naswona endzhaku ka tiawara ti nga ri tingani u rivela hi swona? Kuna swin’wana swo olova leswi ndzi pfuneke ku swi tsundzuka. Ndzi ringeta ku tsala leswi Xikwembu xi ndzi kombeka swona ku suka eRitweni ra xona. Sweswo swi ndzi pfuna ku titwa ndzi ri ni vutihlamuleri byo teka goza.
Xikombiso, ndzi tshame ndzi hlaya eka Matewu 18 mayelana na nandza loyi a rivaleriweke xikweleti lexikulu eka hosi ya yena. Kutani nandza yoloye a hundzuluka kutani a endla leswaku nandza-kulobye a nghenisiwa ekhotsweni hikuva nandza yoloye a a n’wi kolota mali yitsongo. Hi leswi leswi ndzi swi tsaleke hi ku hlamula: “Ndzi tala ku fana na nandza yoloye la rivaleriweke loyi a aleke ku rivalela kambe a lava ku hakeriwa eka nandza-kulobye loyi a a n’wi kolota mali yitsongo. Ndzi rivalele Hosi, ku va ndzi nga khomi van’wana hi ntwela-vusiwana lowu ndzi wu kumeke eka Wena. Onge ndzi nga hanana eku nyikeleni ka tintswalo eka van’wana tanihi leswi U nga va na mina.” Loko swi ku tikela ku tsundzuka leswi u swi hlayeke eBibeleni, ndzi pfumeleli ndzi ku khutaza leswaku u kuma buku ivi u ringeta ku tsala nhlamulo ya wena. AHI LAVENI XIKWEMBU.