A Garment of Praise (1 May 2025) Nguvu yo Dzunisa
Malembe ma nga ri mangani lama hundzeke ndzi ve ni nkarhi lowu nga tolovelekangiki wa ku tshoveka eka nhlengeletano ya varhangeri va Vukriste. Va sungule ku phofula swidyoho swa vona eka Xikwembu, naswona vo tala va phofule swidyoho swa vona erivaleni eka ntlawa hinkwawo. Eku sunguleni loko vanhu va sungula ku rila ni ku vaviseka hikwalaho ka swidyoho swa vona, a ku twakala ku tika. Kambe eka masiku ma nga ri mangani lama landzeleke, vanhu va sungule ku yimbelela. Naswona a ku nga ri hikuva murhangeri wa vugandzeri u vule leswaku i nkarhi wo yimbelela. A ku ri ntsena hikwalaho ka ku nkhensa ni ku rhandza Yesu. Marito ya Esaya 61:3 a ma ri ntiyiso emasikwini wolawo. Loko vanhu va tshovekile hakunene, Xikwembu xi va nyike “ku tsaka ematshan’wini yo rila.” Xi va nyike “xiambalo xo dzunisa ematshan’wini ya moya wa ku heleriwa hi ntshembo.” Vuyimbeleri lebyi a byi chuluriwa hi timbilu teto leti a ta ha ku basisiwa aku ri byin’wana byo saseka swinene lebyi ndzi tshameke ndzi byi twa.
Loko hakunene u lava ku gandzela Xikwembu, a swi bohi leswaku u va ni ntlawa wo dzunisa kumbe swichayachayani swo saseka. Kambe u lava mbilu leyi tshovekeke, leyi hundzukaka. A HI LAVENI XIKWEMBU.