A Desperate Mom (3 Nov 2023) Manana Loyi A Heleriweke hi Ntshembo
Ndzi na munghana loyi n’wana wa yena a velekiweke a nga ri na nkolo wo dya. Ku ringana malembe yo tala a ri karhi a nghena ni ku huma eswibedlhele, a endliwa vuhandzuri lebyi xungetaka vutomi bya yena. A a lava xitirhisiwa xo hefemula vusiku byin’wana ni byin’wana naswona a a tala ku pfaleka. Xana u ehleketa leswaku u kona loyi a a fanele a byela manana yoloye leswaku a khongelela n’wana wakwe? A wu nga ta n’wi sivela ku khongela! A a heleriwe hi ntshembo. A a swi tiva leswaku ntshembo wun’we ntsena wa n’wana wakwe a ku ri leswaku Xikwembu xi nghenelela xi n’wi ponisa. Ndlela yin’we ntsena leyi a a ta hundza eka malembe yo tala a nga etleli a ku ri leswaku Xikwembu xi n’wi nyika matimba. Hambi ha swi xiya kumbe e-e, hinkwerhu hi lava Xikwembu, ku fana na manana yoloye. Naswona ku fana na yena, hinkwerhu hi fanele hi hela matimba hi xikhongelo. Hi ttumbuluko wa mina ndzi lava vutomi lebyi nga riki na switlhavi ni swiphiqo ni maxangu. Kambe ndzi dyondza ku amukela xin’wana ni xin’wana lexi ndzi endlaka ndzi xiya ndlela leyi ndzi lavaka Xikwembu ha yona. Xana vutomi bya wena bya xikhongelo byi kombisa leswaku wa xi xiya xilaveko xa wena lexikulu xa Xikwembu? A HI LAVENI XIKWEMBU.