A Blip on the Screen (20 Jan 2025) Ku rhurhumela eka Xikirini
Ndzi tsundzuka ndzi tshame ndzi vulavula ni munghana wa mina la rhandzekaka hi mhaka leyi vavaka evukatini bya yena. Xiphiqo lexi a xi hete nkarhi wo leha, naswona a ku nga ri na makumu lama vonakaka. Hi ku famba ka mbulavurisano, ndzi khumbekile loko wansati loyi wa risima a ku, “Loko leswi swi ya emahlweni eka vutomi bya hina hinkwabyo, swi lulamile. Ndza swi tiva leswaku nkarhi wu komile,” a ku, “naswona vutomi lebyi nga heriki byi lehile. Siku rin’wana leswi hinkwaswo swi ta va swi ri ku rhurhumela ntsena eka xikirini.” Swinga ri na mhaka leswaku ku xaniseka ka wena ku nga ha ya emahlweni nkarhi wo tanihi kwihi, Rito ra Xikwembu ra hi tiyisekisa leswaku a swi nga ha vi hilaha ku nga heriki. Tsundzuka marito ya Varhoma 8:18 lama nge: “Ku xaniseka ka hina ka sweswi a ku fanelanga ku ringanisiwa ni ku vangama loku nga ta paluxiwa eka hina.” A hi hanyeni eka hilaha ku nga heriki, namuntlha. A HI LAVENI XIKWEMBU.