Truth in Our Hearts – Ntiyiso eTimbilwini Ta Hina
I swa ntumbuluko leswaku hi ringeta ku funengeta swihoxo na ku tsandzeka ka hina. Wanuna uri: minkarhi yo tala hi Sonto nimixo mina na nsati wa mina a hi tala ku holova. Kutani hi ta nghena emovheni, hi chayela hi ya ekerekeni; Ndzi ta chumayela; Ndzi tiendlisa. Swi tlhela swi hlamarisa! Vanhu a ava ehleketa leswaku hinkwaswo swi tshamisekile. Ku lava Xikwembu leswaku hi kuma mpfuxelelo lowu lavekaka wa mpimo wa ku tshembeka, swi nga vonakaka swi hi xungeta eku sunguleni. Hi toloverile ku funengeta swidyoho swa hina, kambe hi nga si ntokota mpfuxelelo, hi fanele ku tshembeka eka xiyimo xa hina xa ntiyiso xa ximoya. Mupisalema u ri, “HOSI… I mani la nga ta tshama exitsungeni xa wena xo kwetsima? Hi loyi a fambaka a nga ri na xisandzu, a endlaka leswi lulameke, a vulavulaka ntiyiso embilwini ya yena” (Pis. 15:1–2). Xana u vulavula ntiyiso embilwini ya wena? Kombela Xikwembu leswaku xi ku pfuna ku tshembeka eka xona hi xiyimo xa mbilu ya wena ya ntiyiso, hilaha xi swi vonaka hakona. Sweswo hi leswi vulaka swona hakunene ku lava Xikwembu. A HI LAVENI XIKWEMBU.