Tikereke tin’wana ti sungula ku va na “Minkhuvo ya ntshovelo” hi Nlhangula, laha vana va nga ambalaka swiambalo na ku titsakisa. Kambe a hi wona ntsena nkarhi lowu vanhu va ambalaka swiambalo swo ya ekerekeni. Vanhu van’wana va ni vutianakanyi, ku hlundzuka, ku bava kumbe ku loloha vhiki hinkwaro, kutani va ambala xisirhelelo xa “Mukriste lonene” va nga si ya ekerekeni. Kambe xiambalo xexo a xi va endli va fana swinene na Yesu. Anakanya hi xinhwanyetana lexi ambaleke xiambalo xa phaphatani. Swi nga ha va swi sasekile, kambe a swi xi endli phaphatani. Hi hala tlhelo, loko xivungu xi tifunengeta hi xikhwakhwa ivi xi huma tanihi phaphatani, ku cinca ka xiviri ku humelerile. Sweswo hi leswi Kriste a hi nyikaka swona—ku hundzuka ka xiviri. Vakorinto va Vumbirhi 3:18 yi ri, “Hi hundzuriwa ku fana na yena.” Xana u lunghekele ku hundzuka? Hluvula xiambalo xo titumbeta, phofula xidyoho xa wena, u kombela Xikwembu leswaku xi ku endla u fana na Yesu. A HI LAVENI XIKWEMBU.
