Holy Hearts – Timbilu to Kwetsima
Kumbexana u nyikile vana va wena swiletelo swa ndlela yo hlamba swandla. Manana uri:Tirhisa xisibi u xi tota ku kondza k uva na khuvi. Swi fanerile leswaku vamanana va letela vana. Kambe enkarhini wa Yesu varhangeri va vukhongeri a va ri ni milawu ya mixaka hinkwayo ya ndlela leyi un’wana ni un’wana a a fanele a hlamba swandla ha yona, va va byela leswaku va fanele va tirhisa mati yo tanihi kwihi ni ndlela yo ma chela. Xiphiqo a ku ri leswaku a va khoma milawu ya vona onge i Matsalwa ya xiviri. Siku rin’wana varhangeri lava va vutise Yesu leswaku ha yini vadyondzisiwa va Yena va nga hlambi swandla kahle? Naswona Yesu u hlamurile hi marito ya Esaya aku: “‘Vanhu lava va ndzi xixima hi milomu ya vona, kambe timbilu ta vona ti le kule na mina, va ndzi gandzela swa hava, va dyondzisa swileriso swa vanhu tanihi tidyondzo’” (Mat. 15:8–9). Varhangeri lava a va hlayisa milawu yo karhi leswaku va languteka kahle eka van’wana, kambe a va nga xi rhandzi Xikwembu etimbilwini ta vona. Xana u endla swilo leswinene ntsena leswaku van’wana va swi vona? Kumbe xana ku kwetsima ku ya eswiphen’wini leswi enteke swa mbilu ya wena? A HI LAVENI XIKWEMBU.